არქი არის სამშენებლო კომპანია, რომელიც ყველა სტანდარტის დაცვითა და უმაღლესი ხარისხის მასალებით აშენებს თანამედროვე და კომფორტულ ბინებს

არქის რიგით მესამე ოფისი ისანში გაიხსნა. ჰოუმ ოფისი საოფისე და სახლური სივრცის არაჩვეულებრივ ნაზავს წარმოადგენს. აქ არქის მომხმარებელს შეუძლია არა მხოლოდ ბინის შეძენასთან დაკავშირებული ყველა სერვისი მიიღოს, არამედ ამ სივრცეში ისე იგრძნოს თავი, როგორც საკუთარ სახლში.  

პროექტის არქიტექტურასა და ინტერიერის დიზაინზე არქის არქიტექტურის დეპარტამენტის უფროსმა, სალომე ავალიანმა, იზრუნა.

„ჩვენი მიზანი, ისნის ჰოუმ ოფისის მოწყობისას, იყო ისეთი მყუდრო და კომფორტული სივრცის შექმნა, სადაც ადამიანები თავს იგრძნობდნენ ისე, როგორც საკუთარ სახლში“, - აღნიშნავს სალომე.

როგორ დაახასიათებდი ჰოუმ ოფისის არქიტექტურას?

არქის ახალი ჰოუმ ოფისი ჩვენს ერთ-ერთი გამორჩეულ კომპლექსში, ისანში მდებარეობს. არქიტექტურული თვალსაზრისით, ოფისს გამორჩეული ვიზუალი აქვს, რომელსაც ჩვენი საფასადე პანელები ქმნის. მათ შორის ფერთა მცირე სხვაობა საინტერესო ჩრდილებს წარმოქმნის.

როგორ შემუშავდა ჰოუმ ოფისის ინტერიერის კონცეფცია?

სანამ ისნის გაყიდვების ოფისის ინტერიერის დამუშავებამდე გადავიდოდით, საპროექტო დავალება მკაფიოდ ჩამოვაყალიბეთ. ოფისში შესვლისას ადამიანებს თავი ისე უნდა ეგრძნოთ, როგორც მყუდრო სახლში. კომფორტული, სახლური და მყუდრო - ეს ის შეგრძნებებია, რის შექმნასაც ვცდილობთ არა მხოლოდ ჩვენი ახალი ოფისის დიზაინში, არამედ თითოეულ საცხოვრებელ პროექტსა და მაცხოვრებლის ბინაშიც .

რა მასალები იქნა გამოყენებული ჰოუმ ოფისის ინტერიერში?

ხე და ბუნებრივი ქვა ის მასალებია, რომლებსაც ინტერიერში სიმყუდროვის შესაქმნელად იყენებენ. არჩევანი სწორედ ამ ორ მასალაზე შევარჩიეთ. მაგალითად, იატაკის მოსაპირკეთებლად პარკეტი გვაქვს გამოყენებული. სხვათა შორის, მსგავსი მიდგომა კომერციულ სივრცეებში იშვიათად შეგხვდებათ. ჩვენ კი ამ ხერხით ვცადეთ, რომ ოფისში სახლური შეგრძნება უფრო გაგვემძაფრებინა.

როგორ მოაწყვეთ ჰოუმ ოფისის დიზაინი?

ჩვენი მთავარი ამოცანა, ისნის ჰოუმ ოფისის ავეჯისა და აქსესუარების შერჩევისას, იყო ის, რომ ისინი ფუნქციურად მოგვერგო როგორც სამუშაო გარემოსთვის, ასევე შეგვექმნა მყუდრო ბინის შთაბეჭდილება. მაგალითად, რეცეფციის მაგიდის ნაცვლად სასადილო მაგიდა დავდგით. სამზარეულოს კი არა მხოლოდ საჭირო ატრიბუტიკის შესანახად, არამედ  სტუმრების გასამასპინძლებლადაც გამოვიყენებთ.

რაც შეეხება განათებას, სივრცის გასანათებლად აქცენტირებული სანათები არასაკმარისი იქნებოდა იმიტომ, რომ მათ უფრო მეტად ვიზუალური დატვირთვა აქვთ. სწორედ, ამიტომ, აქცენტი სხვა ტიპის განათებაზეც გავაკეთეთ და არჩევანი წამყვანი ბრენდების მოდელებზე შევარჩიეთ. ასევე გამოვიყენეთ ე.წ დაფარული სანათებიც.

ჩვენს ყველა პროექტში ბავშვებისთვის განკუთვნილ სივრცეებს დიდ ყურადღებას ვუთმობთ. ამ შემთხვევაში, არც ჰოუმ ოფისი ყოფილა გამონაკლისი. სპეციალურად ბავშვებისთვის მოწყობილი კუთხე ეკოლოგიურად სუფთა მასალებით გავაკეთეთ. რაც შეეხება აქ განთავსებულ საბავშვო ინვენტარს, ვიფიქრეთ, რომ მათი ფორმა ორიგინალური, საბავშვო და გასართობი ყოფილიყო.

არქი ისანის ჰოუმ ოფისი ნავთლუღის N10-ში მდებარეობს.