არქი არის სამშენებლო კომპანია, რომელიც ყველა სტანდარტის დაცვითა და უმაღლესი ხარისხის მასალებით აშენებს თანამედროვე და კომფორტულ ბინებს

ხალიჩა სახლის ინტერიერში ერთ-ერთი მნიშვნელოვანი დეკორია. ვიზუალურ და პრაქტიკულ მახასიათებლებთან ერთად, ხალიჩის რბილი სტრუქტურა სიმშვიდისა და სიმყუდროვის შეგრძნებებს ქმნის. ეს ულამაზესი დეკორი განსაკუთრებით მნიშვნელოვანია საძინებელ ოთახში. გაგაცნობთ იმ მიზეზებს, თუ რა უპირატესობები აქვს ამ ოთახში ხალიჩის დაგებას.

წყნარი სივრცე

მშვიდი ძილისთვის წყნარი და ჩუმი გარემო აუცილებელია. ხალიჩა ხმის შესამცირებლად იდეალური ვარიანტია, განსაკუთრებით მაშინ, თუ საძინებელში მარტო თქვენ არ გძინავთ. ხალიჩა ხმას "ისრუტავს", მაშინ როდესაც ცარიელი იატაკი - პირიქით. ეს განსაკუთრებით ბენეფიტურია იმ ოჯახებისთვის, რომლებსაც სხვადასხვა გრაფიკი აქვთ.

რბილი და ნაზი სტრუქტურა

დილით საწოლის დატოვება ხშირად შემაწუხებელია, ამიტომ მნიშვნელოვანია, სად გადავდგამთ  ჩვენს პირველ ნაბიჯს - ცივ იატაკზე თუ ღუნღულა ხალიჩაზე. დამღლელი დღის შემდეგ კი ძალიან სასიამოვნოა ამავე ხალიჩაზე ფეხშიშველა გავლა და სიმყუდროვის და სინაზის შეგრძნება.

უსაფრთხო არჩევანი

ხდება, როდესაც ნახევრად გაღვიძებულს სააბაზანო ოთახში გასვლა გვინდა ხოლმე, თუმცა ზოგჯერ ცარიელ იატაკზე სიარული საფრთხის შემცველი შეიძლება იყოს. ამიტომ ხალიჩა საბავშვო ოთახში ხშირად შეგხვდებათ. როდესაც ბავშვები სიარულს იწყებენ, ხალიჩა უსაფრთხო ვარიანტია.

თუ გინდათ, რომ თქვენი სახლი ხალიჩით გააფორმოთ, თან არქის მაცხოვრებელი ხართ, ისარგებლეთ არქი ქარდის ბარათით და მიიღეთ ხალიჩებზე დიდი ფასდაკლება.