არქი არის სამშენებლო კომპანია, რომელიც ყველა სტანდარტის დაცვითა და უმაღლესი ხარისხის მასალებით აშენებს თანამედროვე და კომფორტულ ბინებს

არქი სრულ მხარდაჭერას უცხადებს უკრაინას. კომპანიამ ბიუჯეტიდან 150 000 ლარი გამოყო, აქედან 50 000 ლარი უკვე გადარიცხულია უკრაინის ეროვნულ ბანკში.

ასევე, კომპანიის ინიციატივით, შეიქმნა ანგარიშის ნომერი, სადაც არქელების დიდ ოჯახს უკრაინის მხარდასაჭერად თანხის გადარიცხვა შეუძლიათ. არქელების მიერ ჩარიცხული თანხა კომპანიის მიერ გაორმაგდება და გადაირიცხება უკრაინის ეროვნული ბანკის ანგარიშზე.

არქის გენერალურმა დირექტორმა შიო ხეცურიანმა განაცხადა, რომ არქი სოლიდარობას უცხადებს მეგობარ ქვეყანას და კომპანია აქტიურად ეთანამშრომლება შესაბამის ჰუმანიტარულ ორგანიზაციებს დამატებითი აქტივობების დაგეგმვის მიზნით.

“ძალიან მნიშვნელოვანია, ამ უმძიმეს დროს ჩვენი მეგობარი ქვეყნის გვერდში დგომა. იმედს გამოვთქვამთ, რომ ყველა მოქალაქე, შესაძლებლობის ფარგლებში, ჩაერთვება და თავის წვლილს შეიტანს უკრაინელი ხალხის დასახმარებლად - აცხადებს არქის გენერალური დირექტორი, შიო ხეცურიანი.